Кетсек да биз,
жангы кюнню сакълар
жерден чыгъып келген
жашил кырдык.
Мени уа бюгюн
жюрегим жарыкъ:
таза ниет,
билеме,
къоруулар,
къара сагъышланы
барын хорлар.
Керекмиди
бизге андан артыкъ?
Жангы кюннге къарап
къууанайыкъ:
«къыйынды, – деп
тарыкъмайын, – къадар».
Кетсек да биз,
жазда терек чагъар.
Бу дунияда насып да,
къыйынлыкъ да
берип,
адамланы Аллах сынар.
Билеме мен,
чексизди адамлыкъ да,
билеме мен –
къаллыкъды ёмюрге.
Да сора нек къоркъабыз
ёлюрге?
***
© Copyright: Амина Газаева, 2026
Свидетельство о публикации №126050804855
Свидетельство о публикации №126050804855
Рецензии
