Къалай сюе эдим,
нени да унутуп,
арабыздан
бу хунаны къурутургъа.
Къалай сюе эдим
сени бла турургъа,
къыйналмай жюрегим,
алдамай умутум.
Къалай сюе эдим,
къолларынгдан тутуп,
ичимдегин
санга кёзюм бла айтыргъа!
Бу ай кече
жулдузлагъа тынгыларгъа
къалай сюе эдим,
нени да унутуп!
Алай къадар деген
аямайды бизни.
Жарсымай,
ууатады ол экибизни.
Кёресе,
тюбешсег’а,
хаух ышаргъанлай,
къалай насыплылабыз дей
ётюрюкге.
Ол заманда уа
бир къыйынды жюрекге...
Билебиз биз,
билебиз – бир бирни алдай.
***
© Copyright: Амина Газаева, 2026
Свидетельство о публикации №126050703639
Свидетельство о публикации №126050703639
Рецензии