* * *
Жауун тюбюнде
сюеле эдик биз,
бара эдиле адамла
ашыгъып.
Тура эдик биз
бир бирге ышарып,
сёзсюз билине эди сюйгенибиз.
Жауунча, таза эди ниетибиз.
Аны жюрекде букъдура,
жашыра,
сабий жылланы
узакъгъа ашыра,
жауун тюбюнде
сюеле эдик биз.
Заман а барады,
Чегем сууунлай,
барады, ташны,
агъачны да талай...
Хорлатмай турдукъ экибиз.
Этип нёгерлик
бир бирге жашауда,
барабыз
сыйлы Аллахны къолунда,
сёзсюз билине
сюйгенибиз.
***
© Copyright: Амина Газаева, 2026
Свидетельство о публикации №126050608644
Свидетельство о публикации №126050608644
Рецензии