***
Даронікум жоўтыя зоркі
Разліў па вясновай зямлі.
Ужо зацвітаюць задворкі,
Дзе вішанькі шлюб узялі.
На ўзгорку пад лесам багаткі
Мільёнамі сонцаў блішчаць,
А двухпавярховыя хаткі
Пад ранішнім сонейкам спяць.
Сусед мой выводзіць сабачку,
А той задзірае нагу.
Суседка ўпрагаецца ў тачку,
Раскідвае гной на рагу.
На Мінск ад'язджаюць машыны.
Усе пакуплялі Белджы.
Сухія палеткі Айчыны
З надзеяй чакаюць дажджы.
Даронікум жоўтыя зоркі
Разліў па вясновай зямлі...
Нізінкі вакол і пагоркі,
І чорныя скібы раллі.
06. 05. 2026 г.
Даронiкум жоутыя зоркi...
© Copyright: Юрий Боровицкий, 2026
Свидетельство о публикации №126050604465
Свидетельство о публикации №126050604465
Рецензии