Бюгюнден тамблагъа
не зат боллукъду, бир айт?
Толмай,
толуп да къалыр
сакълагъан умутунг.
Къайры элтсе да жолунг,
ахырда уа сен къайт.
Кёрмесенг,
эштмесенг,
сез дуньяны жылыуун.
Азмы болады да…
Сезмей къалсанг а – ийнан.
Ол да ёлсе уа,
тебире кетерге,
кетерге.
Жол а узакъды,
мени бла бирге хазырлан,
къарангыны унутуп,
жарыкъгъа тюберге.
Мен ийнана эдим,
хар тизгинни жазгъанда:
«Жюреклени азатларча этерме бир зат!»
Болмай къалса уа?
Да не? –
умутум къатымда.
Энтта кёрюрме,
тынмазма, этгинчи азат.
***
© Copyright: Амина Газаева, 2026
Свидетельство о публикации №126050502656
Свидетельство о публикации №126050502656
Рецензии