Справы без выніку, уяўныя лідэры,
*Скаргі ў пустоту і дождж без вады.,
Погляд скрозь пальцы, без выбару выбары,
*Пост без малітвы, без праўды суды,
Анастэзія ўчарашніх нябожчыкаў,
*Аўтакефалія здрадчай царквы,
Багна ў пяску, дзе няма перавозчыкаў,
*Боль без пашкоджанняў, луг без травы -
Ойча Нябёсны, ратуй нас ад гэтага!
*Ой, як не хочацца верыць хлусні!
Радасць знікае ад гімна няспетага,
*Розуму ў думках амаль што ні-ні.
Ногі бягуць, быццам хочуць быць першымі
*Новага шчасця заўчасна ўхапіць -
Іх не спыніць прадракальнымі вершамі,
*Іх падстракаты ніколі не спіць.
Цалкам сябе аддаюць ненадзейнаму
*Царству падступнага, дзе без святла
Творчасць іх, згодна кантэксту ідэйнаму,
*Трапна кіруюць прыхільнікі зла.
Вось і няма пераможцы сапраўднага,
*Веры, надзеі, любові - няма,
А выбіраем да гонару прагнага
*Абы-каго і, вядома ж, дарма.
Спаборнiцтва
© Copyright: Саша Веденеев, 2026
Свидетельство о публикации №126050301170
Свидетельство о публикации №126050301170
Рецензии