(Халкьдин мисал)
Дагъдин синел къацу чIурал,
Дамахдив цIегь къугъвазвай.
Хкадарариз гьагь пацарал,
Вич асландай лап кьазвай.
ЦIегь килигна кьуд патаз,
Сарар хци авуна,
Бирдан аскIанда адаз,
Са ажаванур акуна.
- Эй, жанавур, гьикI я вун? -
ЦIегьре лап ван къачуна.
- Гишин яни, я тух вун? -
Ягьанатар авуна.
Ван хкажна агъадай:
Жанавурни рахана.
Шандакьарзавай цIегьрез
Хъсан жаваб хгана:
- Я цIегь, ам ви гьунар туш,
Ви чкадин къуват я,
ТахьайтIа ваз хабар туш,
Фадлай за вун кьве къатдай…
Чи арада бязибур
КIус хьайила азмиш жеда,
Виле тахкваз гъейрибур,
И цIегь хьиз къизмиш жеда.
Жанавурни цIегь
© Copyright: Назим Фаталиев, 2026
Свидетельство о публикации №126042708469
Свидетельство о публикации №126042708469
Рецензии