Са вирин къерехдал
Бирдан са сев акъатна
Къугъваз - къугъваз пацарал
Ам цин мукьув агатна.
А виревай балугъдал,
Севрен темягь ацукьна:
Сирнавзавай язухдал,
Еке сарар алукьна...
Регьят хьана лап чандиз
Тамухъди рехъ ахтlана.
Гьалтай - гьалтай гьайвандиз
Уьзуьагъдиз лагьана:
Зи намусдин яз къуллугъ,
Буржи кьилиз акъудна.
Батмиш жезвай са балугъ
Азабдикай хукудна.
Нефс паталди авур кар,
Маса жуьре хъулгьузвай.
Машгьур ийиз вичин тlвар,
Игитди хьиз тухузвай.
" Гьа и севре балугъдиз
Куьмек гайи жуьреда.
Гьазур я чаз къуллугъиз
Бязибур чи уьлкведа."
Севни балугъ
© Copyright: Назим Фаталиев, 2026
Свидетельство о публикации №126042708447
Свидетельство о публикации №126042708447
Рецензии