Дида поэтасул куч1дул рихьана,
Куплетазда гьоркьоб т1угьдул рахъарал.
Ва гьезул мухъазда берал лъалхъиндал,
Зазил ах батана, т1огьолъ гьабураб.
Дида поэтасул куч1дул рихьана,
Куплетазда гьоркьоб ц1ваби рахъарал.
Амма ц1алун хадуб дида ратана,
Гьес рикъарал мухъал, Ц1ваби раразул.
Дида поэтасул куч1дул рихьана,
Куплетазда гьоркьоб т1анк1ал лъун тараб,
Амма ц1алун хадуб дида рихьана,
Т1убараб г1умродул рицунел мухъал.
Дида поэтасул куч1дул рихьана,
Куплетазда гьоркьоб щибго жо гьеч1еб.
Амма ц1алун хадуб дида ратана
Г1азу бараб авлахъ,гьениб т1огьол ах.
1990 г. г. Ростов-на-Дону
Дида поэтасул куч1дул рихьана
© Copyright: Камал Абдулвахидов, 2026
Свидетельство о публикации №126042608936
Свидетельство о публикации №126042608936
Рецензии