Дие х1ажат гьеч1о х1орал раг1аби,
Жаниса гьодорал, гьавадул ц1урал
Дие бокьуларо къинаб гьереси,
Г1емер такрарлъани уйилан кколеб.
Дие х1ажат гьеч1о Х1урматияб ц1ар,
Гьал цо-цо г1адамаз г1арцухъ босулеб.
Рек1ел хиялалъцин гьабиларо тах,
Ханлъи дий к1варич1о дида ращазулъ.
Дие х1ажат гьеч1о гьабулеб рецц-бакъ
Дун вокьулин абун, дий рокьуларез.
Дие рокьуларо гьудулзабиян,
Диде къо ккарабго дун к1очон толел.
Дие х1ажат гьеч1о вацазда гьоркьоб,
Кьват1и рехизеян бицунеб хабар.
Дие бокьуларо бут1аби гьабун,
Бикь-бикьун т1аг1ине умумузул ракь.
Дие х1ажат гьеч1о маг1арул агьлу,
Ях1-намусги к1очон г1арац гьабулеб.
Дие рокьуларо лагъзал киннигин,
Раг1ад т1аг1инег1ан г1адой къулулел.
Дие х1ажат гьеч1о
© Copyright: Камал Абдулвахидов, 2026
Свидетельство о публикации №126042007914
Свидетельство о публикации №126042007914
Рецензии