Дун духъе вач1ина март бач1арабго,
Руччабазда байрам баркулеб къоялъ.
Къан батани нуц1а, к1улалги рахан,
Тела т1огьол квац1и гьелда цебе лъун.
Дун духъе вач1ина апрель моц1алда,
Рорхатал муг1рузда г1идра баккидал.
Дур нуц1ида к1ут1ун дица гьарила,
Лъугьа т1асайилан, гъоге нахъеян.
Дун духъе вач1ина июнь моц1алда,
Бач1инч1ищ каранлъе рииян, ц1ехон
Жеги ц1оровухъе дур рак1 батани,
Дун ина х1ухьеллъун хъах1илзобазде.
Дун духъе вач1ина хаслихълъи щвейдал,
Дур гьайбатаб гьумер чурулеб ц1адлъун.
Дун духъе вач1ина хасел бач1индал,
Рещт1ина т1елхазда г1азул х1улилъун.
Дун духъе вач1ина
© Copyright: Камал Абдулвахидов, 2026
Свидетельство о публикации №126042007711
Свидетельство о публикации №126042007711
Рецензии