Акафист новомученику епископу Дамаскину

Кондак 1

Избраннаго пастыря Христова и проповедника, непреклонного защитника веры Православныя, от безбожных властей даже до смерти пострадавшаго,  в Церкви Русстей жаждавшаго единыя правды, песньми восхваляем тя, светозарный священномучениче Дамаскин, ты же, яко имеяй дерзновение ко Господу, на стезю Горняго Иерусалима настави нас,  поющих ти: Радуйся, Владыко Дамаскин, светильниче  Церкви Русския и Истины в ней поборниче!
    
Икос 1

Ангелоподобное житие возлюбив, в годину неописуемых бедствий народных веру Православную до крови исповедовавый,  Владыко, паче всего ревновавый о незыблемости Истины в Церкви, сего ради вопием ти, отче, сице:

Радуйся, измлада христолюбия исполненный.

Радуйся, яко в монашестве сокровища духовные обрел еси.

Радуйся, молитвенниче дерзновенный и проповедниче искусен.

Радуйся,  затворение, изгнания и поругания многажды претерпевый.

Радуйся, яко душу свою  за веру положил еси.

Радуйся, Владыко Дамаскин, светильниче  Церкви Русския и Истины в ней поборниче!

Кондак 2
Видя в тебе агнца непорочна, готов испити смерть, но не отрещися Христа,  якоже древнии мученицы первых веков, Господь по среде  Отечества вихрьми злобы обуреваема, избра тя  во епископа святыя Церкве Православныя, яко верного сына ея и от пагубнаго малодушия целителя, присно возносящаго Богу: Аллилуиа.

Икос 2
Разумом богопознания озарен,  постигл еси тщету мира преблаженный Дамаскин и иноческого подвига возжаждал, да будеши пастырь стаду Христову сластьми духовными вся насыщающаго. В годину же искушений лютых верою и страданиями мученическими велию благодать Господню стяжал еси, сего ради возглашаем тебе:

Радуйся, Апостолом Христовым сопрестольниче.

Радуйся, от юности духовная учения возлюбивый,

Радуйся, яко спасающии тя в заполярии знания в агрономии обрел еси.

Радуйся, восточным языком в Казани навык.

Радуйся, яко  иеромонахом в апостольском служении в Пекинстей миссии подвизался еси.

Радуйся, Владыко Дамаскин, светильниче  Церкви Русския и Истины в ней поборниче!

Кондак 3
Сила Господней любве яви тя,  архиерею Дамаскине, яко  Агнца Божия дробима, но мужеством непоколебимым исполнена, жертву безкровную всюду благоговейно совершавша и в изгнании всяцем домашнюю церковь созидавшаго, непрестанно вопиюще ко Христу: Аллилуиа.

Икос 3
Имея твердое упование на Спасителя, верен до конца был в служении Ему. Всем сердцем Бога взыскавый,  непрестанно в молитвенном труде подвизался еси,  Дамаскине преблаженне,  сего ради воспеваем ти сице:

Радуйся, преподобному Иоанну Дамаскину мужественне последова еси.

Радуйся, во время немецкия брани санитаром и полковым священником в воинстве служивый.

Радуйся, в лето девятнадесятое в Киеве ко братии Михайловского  монастыря причтенный.

Радуйся, яко киевский митрополит Антоний, почитая тя, избра  епархиальным миссионером.

Радуйся,  во Владимирстем братстве непрестанно молебны устрояяй  и златословесно проповедавый.
 
Радуйся, Владыко Дамаскин, светильниче  Церкви Русския и Истины в ней поборниче!

Кондак 4
Егда буря гонений нападе на Русскую Церковь, святитель Божий, неподвижиму верность  Христу явил еси, душу  полагая за паству свою. Мучительми уязвляем, но Духом Святым согреваемый, боголюбче, правды Божия николиже отречеся, ко Господу взывая победную песнь: Аллилуия.

Икос 4
Слышавше о тебе, яко адаманте  в вере несокрушимем, темницы,  изгнания, глад и хлад пострадавшу,  страха ради наемническа не бежавшему, верному стаду твоему образ Христов явившему, любовию восхваляем тя сице:

Радуйся, яко  в начале гонений адовых Господь избавих тя в темнице от убиения.

Радуйся, яко  по Добровольческому воинству  в Крым последова еси.

Радуйся,  яко сан архимандрита приемый, Балаклавским Георгиевским  монастырем владяше еси. 

Радуйся, в годину страшную отечества и людей своих не оставивый.

Радуйся, яко в конце  братоубийственныя смуты девять месяц в крымстей темнице томяйся.

Радуйся, Владыко Дамаскин, светильниче  Церкви Русския и Истины в ней поборниче!

Кондак 5
Божественный свет имея в себе, во многих градах и весях русских подвизался еси, вертоградарь Христов, подобно Апостолом даже и во узах проповедуя, путь ко Спасению во тьме безбожия  явил еси. Егда по указке безбожных властей погибаху обители, и истребляеми бяху подвижницы правовернии, благодатию Божиею храним, ты вопиял еси с упованием на Господа: Аллилуиа.

Икос 5
Видевше разорение Отечества твоего, смерти не убоялся еси, имея присно в душе свет Фаворский, священномучениче доблий. Ибо плоды  стяжания сего прелагаху горесть темниц  в радость и изволение  новых скорбей, мы же почитающе твою ревность ко Господу и мужество вопием Ти:

Радуйся, яко в Донском монастыре от патриарха Тихона епископский сан приял еси.

Радуйся, яко  тоя хиротонии свидетель бысть  доброславный архиепископ Таврический Никодим.

Радуйся,  паствы Черниговской епархии   ко Христу преизрядный путеводителие.

Радуйся, яко предъявиша ти вину  в молитвах о Владыках в заточении бывших.

Радуйся, яко на седалище с лукавнующими властию безбожною насаждаемыми не возсел еси.

Радуйся, Владыко Дамаскин, светильниче  Церкви Русския и Истины в ней поборниче!

Кондак 6
Проповедника усерднаго  православные веры и благочестия,  от прельщений пагубных Христовы чада хранившаго,  тя, Отче, в Чернигове богоборцы многажды в темницы   ввергали еси, ты бо  злострадания презрев воспевал еси Богу: Аллилуиа.

Икос 6
Сияние души твоея являлось и в наполненых праведники узилищах  Христа ради страдавших. Тя,  Святителю,  исперва в Харьков изгнаша, отонюдуже после ареста в  Москву  преложиша еси. Тамо до изгнания по етапу многия месяцы в Бутырстей тюрьме провел еси. Сего ради восхваляем Тя сице:

Радуйся, подобно Давиду безбожного Голиафа верой поразивый.

Радуйся  огнь и воду прошедый, яко сорок мучеников Севастийских.

Радуйся, яко судилищ неправедных не  убояхся еси.

Радуйся, яко исповедати Христа Спасителя не усрамися еси.

Радуйся, крест страданий в радости понесый.

Радуйся, Владыко Дамаскин, светильниче  Церкви Русския и Истины в ней поборниче!

Кондак 7
Хотя Господь Вседержитель вмале утешити тя, от некого благодетеля Библию на аглицком языке послал еси, такожде благословил панихиду отслужить  в Донском монастыре на могиле почившаго патриарха Тихона.  Еще прежде пути далекаго в Туруханский край    владыка  в Даниловское братство епископом исповедником прият бысть, абие воспевши с молитвою Спасителю хвалебную песнь: Аллилуиа.

Икос 7
Новые тяжкие испытания, яко Иову Многострадальному послах ти Господь, егда мало не к Северному полюсу достизаше жребий твой. Епископ Дамаскин изыде тамо есенью раннею, сего ради подобаше ему пребыти месяцы некия въ Красноярске, велицем и богате рыбным промыслом граде на реце Енисеи. Егда же  измерзе широкий Енисей должен бяше со стражею ГПУ отъити в путь далек. В долгия узкия сани впрягоша упряжку псов, путешествие же продолжашеся около шести седмиц. Сего ради,  смирению твоему дивяшеся, почитаем тя сице:

Радуйся, мятежа и уныния в сердцы твоем не познавый.

Радуйся, верность Христу в житии и страдании явивый.

Радуйся, полуразседшийся домикъ с продырявленною кровлею в будущую келью преобразивый.

Радуйся, наставшу лету от угрызеній скнипных и комариных страдания потерпевый.

Радуйся, сию египетскую казнь превозмога.

Радуйся, Владыко Дамаскин, светильниче  Церкви Русския и Истины в ней поборниче!

Кондак 8
Странное бе видение в стране, идеже полгода нощь многа и стада оленей и медведей белых скитаются, идеже николиже проповедь о Христе слышана бысть, епископа, совершающаго литургию на антиминсе сотворенном  от платца, со вшитою в него частицею мощей от персныя креста. Сему твоему подвигу дивящеся, воспеваем ти:  Аллилуиа.

Икос 8
Вся прилоги и льстивая мира презрев, испытаньми многа прошед, исповедниче Дамаскине, несый крест свой тяжкий   и Царствия Небеснаго достигл еси. Сего ради приими от нас похвалы сии:

Радуйся, гонителей пастырей Церкве безславное поражение.

Радуйся, яко заточницы при цари Иоанне Грознем жительствовавый.

Радуйся, яко в своем изволенном заточении искал Царствия Божия внутрь себе.

Радуйся, во едином от зимних дней сретший в Полое в узах митрополита Кирилла Казанскаго, наследника патриарха Тихона.

Радуйся, яко по сретении в Туруханстей стране, вы бысте друзи неотступни.

Радуйся, Владыко Дамаскин, светильниче  Церкви Русския и Истины в ней поборниче!

Кондак 9
Весь убо исполнь бысть  смятения и негодования, Преосвященне Дамаскине, егда достиже твоея пустыни весть о Декларации митрополита Сергия. Узрев бо в сем предательство Церкве и продажу первородства за чечевичну юшу, возопил еси ко Господу: Аллилуиа.

Икос 9
Вития многовещанныя не могут достойно оценити труды твоя ко утверждению свободы в Русской Церкве. Вслед пророку Исаии ты глаголал: «Горе отступающым сыном, творящым советы не от Мене и  заключают союзы, но не от Духа Моего».  Твое неприятие снисходити на компромиссы совести всегда пребывало непреклонным. Дивящеся высоте духа твоего и мужеству восхваляем тя:

 Радуйся, яко завет при постризе данный митрополиту Иосифу: « Работай Господеви духом горяще», якоже и он исполнивый.

Радуйся, писавый митрополиту Сергию, яко мрачный облак осенил есть Церковь.

Радуйся, писавый ему  о срамоте постепеннаго погружения во влекущее болото вся страшнейших компромиссов.

Радуйся, глаголя с ним в Москве, покушаяся уверити его в пагубе приятаго им течения.

Радуйся, ответ «от изгнаных отец: приити к ним в изгнание волею» сергианским архиереям предлагал еси.

Радуйся, Владыко Дамаскин, светильниче  Церкви Русския и Истины в ней поборниче!

Кондак 10
Спасти хотя будущее истиннаго Православия в России, ты написал еси сто и пятьдесят писем с обличением Декларации, и  отправил еси я в Москву и великия грады со своим келейником. Возвращься из заточения въ Стародуб Брянскыя губернии, менее лета ты пребывал на свободе. Арестован из-за доноса, по тюрьме ты, Владыко, был послан в заточение на Соловки воспевая Богу: Аллилуиа.

Икос 10
Стена еси всем притекающим ко заступлению твоему, отче Дамаскине, наипаче в узах и скорбех сущим, верный Спасу до конца своего, в Царствии Небеснем веселишися ныне, сего ради вопием ти:

Радуйся, обличение священноначалия, Христа предающего угождением властям мирским.

Радуйся, окормлявый иосифлянские общины в Киеве и Вятстей епархии.

Радуйся, епископе, лютаго глада утоления ради, на Соловках   собиравый на брезе морстем улиты.

Радуйся, чудом спасшемуся по пребывании на страшнем Анзере.

Радуйся, игумению киевского Покровского монастыря Софию, исповедницу, мощами ныне тамо почивающую, постригший в великую схиму.

Радуйся, Владыко Дамаскин, светильниче  Церкви Русския и Истины   в ней поборниче!

Кондак 11
Пения погребальнаго не бысть о тебе убиеннем и погребенном в безъименней могиле в казахстей степи, последовавшаго завету пророка: «Блажен муж, иже не иде на совет нечестивых», ныне же ты в лице святых мучеников в Царствии Небеснем воспеваеши Господу: Аллилуиа.

Икос 11 
Света Христова исполненнаго архиереа, мученикам времена Нерона подражателя, праздника Пасхы уготовавшаго, напоследок богоборцы обвиниша в «устроении нелепых сборищ», мы же, видяще тя у Престола Господня, хвалебная приносим:

Радуйся, древних пустынников совершенный  последователю.

Радуйся,  веровавый силе Христовых обетований о непобедимости Церкви.

Радуйся, взрастивый лозы винограда Христова, и подобно Навуфею убиенный.

Радуйся, на мужество и подвиг духовный нас вдоховляющая.

Радуйся, столпе и утверждение взыскающих входа в Райския двери.

Радуйся, Владыко Дамаскин, светильниче  Церкви Русския и Истины в ней поборниче!

Кондак 12
Ко благодатному руководству окрест достойных пастырей соединятися чад своих благословивый Владыка, уразумевый, яко «христианство в Руси имать отъити в подполье», дабы сохранитися в чистоте и нетленной красоте духа. Умоли Матерь Божию помиловати землю Русскую ради тех, иже не преклониша колена Ваалу, да вопием вси молитвами Ея: Аллилуиа.

Икос 12 
Поюще превышающия человеческия силы подвиги твоя, архиерею Дамаскине, поминаем заповедь Евангелиа: «Не бойся же, малое стадо, яко благоизволи Отец ваш дати вам Царство», а такожде святителя Николая Сербскаго рекшаго:  «В настоящее время у престола Всевышняго гласы русских заглушают вся проча»! Сего ради благодаряще и приклоняяся тебе восхваляем тя сице:

Радуйся, сердец смятенных утверждение и утешение.

 Радуйся, нарекий страшным мечтанием быти, яко может созидатися Церковь на человекоугодии и неправде.

Радуйся, да избавитъ от разстрела друга своего, иереа Иоанна, донесл его на себе до стояния.

Радуйся, красото Христова уподобления.

Радуйся, слезной молитвою твоей Русь упованием божественныя помощи укрепляется.

Радуйся, Владыко Дамаскин, светильниче  Церкви Русския и Истины в ней поборниче!

Кондак 13
О страдальче неизреченный и святителю Христов  Дамаскине!  Милостиво приими убогое моление наше  с любовью тебе возносимое и благомощным  ходатайством твоим ко Господу    утверди в людех православных свет Божественной Истины,   помози спасти души наша от обольщения близ грядущаго антихриста и служителей его, сподоби ны от бед и напастей избыти, аще же и наступят, с мужеством и благодушием оныя понести, да достигнем селений райских идеже с тобою вкупе Человеколюбцу Богу воспоем ангельскую песнь: Аллилуиа.
(Этот кондак читается трижды)

Икос 1
Ангелоподобное житие возлюбив, в годину неописуемых бедствий народных веру Православную до крови исповедовавый,  Владыко, паче всего ревновавый о незыблемости Истины в Церкви, сего ради вопием ти, отче, сице:

Радуйся, измлада христолюбия исполненный.

Радуйся, яко в монашестве сокровища духовные обрел еси.

Радуйся, молитвенниче дерзновенный и проповедниче искусен.

Радуйся,  затворение, изгнания и поругания многажды претерпевый.

Радуйся, яко душу свою  за веру положил еси.

Радуйся, Владыко Дамаскин, светильниче  Церкви Русския и Истины в ней поборниче!

Кондак 1
Избраннаго пастыря Христова и проповедника, непреклонного защитника веры Православныя, от безбожных властей даже до смерти пострадавшаго,  в Церкви Русстей жаждавшаго единыя правды, песньми восхваляем тя, светозарный священномучениче Дамаскин, ты же, яко имеяй дерзновение ко Господу, на стезю Горняго Иерусалима настави нас,  поющих ти: Радуйся, Владыко Дамаскин, светильниче  Церкви Русския и Истины в ней поборниче!

Молитва

О дивен новомучениче святителю Дамаскине, доблий пастырю и неустрашим воине Христов! Ты измлада заповеди Господни возлюбил еси,  в монашестве сокровища неветшающия обрел еси. Чадом духовным и пастве мудрый  кормчий и наставник бысть.
Во дни гонения яраго,  постигшаго землю нашу от  спиры богоборческия   на судищах, в ссылках и в заточениих без меры от лютых скорбей и болезней пострадахъ. Зело  потрудися, да русскую Церковь в стоянии за Истину утвердити и избавити от предательскаго малодушия. За сия и верность Христу мученическую кончину приим, предстоиши ныне пред престолом Царя Небеснаго. Испроси у Него да вразумит Церковь нашу сергианского наследия отрешится, не маммоне же и властем земным работати, но токмо Тебе, Господи. Сподоби нас видети пакибытие Святыя Руси под скипетром грядущаго Царя-Помазанника, землю нашу от всякия нечистоты очищающаго. Да  избавимся молитвами твоими от  смертоносных недугов,  от нашествия вражия, междоусобной брани и от всякого зла и тако благочестно на земле пожив  достигнем Чертога Небесного, да с Богородицею, заступницею отечества нашего, Ангелы и всеми святыми славим Троицу единосущную во веки веков. Аминь.