***
Пад вечар выбліснула сонца.
Спяваюць птахі за акном.
І дзень дажджлівы і бясконцы
Забыцца ўжо жадае сном.
І я жадаю зноў забыцца
Пра тое, што немалады.
Але я ведаю, прысніцца
Жыццё ў юнацкія гады.
А дзень дажджлівы і бясконцы
Сплывае срэбрам шэрых хмар.
І раптам выбліснула сонца
Бязмежжам незлічоных мар.
Ды нечакана лівень весні
Птушыны шчэбет перарваў,
Як абрывае часта песні
Жыццё, якому ты спяваў.
17. 04. 2026 г.
Пад вечар выблiснула сонца...
© Copyright: Юрий Боровицкий, 2026
Свидетельство о публикации №126041801530
Свидетельство о публикации №126041801530
Рецензии