Истории детства девочки Раи. На белорусском языке

Ізноў прыйшоў к нам сакавік!
І спіць мядзведзь яшчэ ў бярлозе!
А хто ідзе там па дарозе?
Мо ўжо прачнуўся лесавік?

Навошта ён ідзе у вёску!?
Штаны ў зялёную палоску,
Пралесак беленькі букет...
Ну чым, скажыце, не паэт!

Сабраўся ў веску ён знянацку,
Нясе яшчэ ў кішэні цацку:
Ў маленькай вёсачцы лясной
Хтось нарадзіўся, мо, вясной?

А гэты "хтось" - дзяўчынка Рая!
Ляжыць ў калысцы, пазяхае...
Ў вакенца глянуў лесавік-
І сэрца занялося ўміг!

На ганку ён прысеў з дарогі,
Абмыў у снезе рукі, ногі.
На горле гузік зашпіліў
І дверы ў хату адчыніў...

Прайшоў ў пакой ён непрыкметна,
Паставіў ў шклянку першацветы,
Схапіў малую і пабег
У лес, туды, дзе сізы снег...

Хацеў стары сабе дачурку,
Хоць чалавека, хоць снягурку.
Ад адзіноты звар'яцеў,
Хоць з кім пагаварыць хацеў!

Стаміўся з дрэвамі гутарыць -
Ім толькі на вятрах кімарыць!
А у звярэй жыццё сваё...
Ну, як трываць тут, ё- маё!?

Паклаў ён Раю у калыску,
А Рая - та яшчэ артыстка! -
Так запішчала на ўвесь лес,
Што лесавік пад стол палез!

Хацеў ен пакарміць дзяўчынку,
Прынёс сушоных ягад крынку,
Грыбоў аднекуль прывалок
І палажыў малой пад бок.

Але ня есь грыбоў малая!
Ты глянь, паскудніца якая!
Нагамі ў люльцы танцы б'е
І кроў лесавікову п'е!

Прачнуўся ўжо мядзведзь ў бярлозе,
Стаіць, кудлаты, на марозе,
Не разумее, што за крык:
"Дзе гэты чортаў лесавік?

Чаму у лесе беспарадак?
У небе сонца, як аладак,
Вісіць мядовы. Толькі мне
Яго не з'есці нават ў сне!"

Ваўкі спужаліся, ваверкі
Схаваліся у дуплы- норкі.
З мядзведзем лепш не жарваць!
Хутчэй лесавіка шукаць!

А лесавік сабраўся ў вёску,
Абняў у роспачы бярозку,
А потым прама у лапцях
Панёс вяртаць назад дзіця.

Пракраўся, быццам злодзей, ў хату.
Нядоўга быў ён гора- татам!
Паклаўшы Раю у краваць,
Перакрасціўся разоў пяць.

І на ўсялякі на выпадак,
Зусім ўжо выпаўшы ў асадак,
Ён Раі шчасця пажадаў
І талентаў са жменю даў!

І абацаў прад абразамі
З паклонамі і са слязамі,
Што будзе Раю берагчы,
Ад ліха ціха сцерагчы!

Распавядаць можна бясконца:
Расла Раіса, нібы сонца!
Характар толькі вырві глаз...
Але пра гэта ў іншы раз....