Вай моллу кад вайца lемина мийла
Хlусам а, йасйелча хуьлуш йу шийла.
Буьйсанан тийналлехь хезна ду хийла,
Тхов базлой, пенаша узар деш гlийла.
Вайн дегнаш нохчаллин хlусамаш йеца?
Хlусаман йерда-кхерч нохчийн мотт беца?
Ламасташ ду къоман сийлаллин васт.
Кхерчарчу цlергахь ду ламастийн хьаст.
Цlе хаьллачу хlусамах шийла каш хилла.
Хlусамах ваьлларг ву декъаза, тилла.
Пайда бац лелабарх холхазан куй,
Дегнаш чохь ца хилахь нохчаллин суй.
Нохчаллин суй
© Copyright: Джамал Дударов, 2026
Свидетельство о публикации №126041205662
Свидетельство о публикации №126041205662
Рецензии