Дала имане дерзадолда шо!..

Зулам леладаьчоа
бекхам кхоачаргба.
КъорIа, 4 : 123.

Дала аьттув ма боаккхалба гIалгIашта нохчашта юкъе бIеха цIур бехкача йовсарий - нохчий Iаьдалхой, цар лай гIозара!.. Цар багара арадала кечденна цIурхой дош Дала лакашка а оттадаь, йист хила йиш йоацаш, дуссулда шо, бIеха дош, деггаза уйла шун дагара дIаялалца! Шоана кхоачаш де дага деха Iаьржа цIурхой гIулакх дагара, уйлацара дIакъасталца цхьаккха хIама хьаде, Дала вIала аьттув ца боаккхаш, низ дIа ца кхоачаш, хьинар деха дуссулда шо!..

Дала имане дерзадолда шо! Имане ца дерзе Дала нохчий гIалгIай мехкашкара гаьна доахалда шо!.. Иблиснаькъан шоаш деце совцар гIойле яр шоана! Дехке довлар декхар да бусулба наха Дала тIадиллар!.. Шоаш тийшаболх баь, зулам даь, халахетар тIаоттадаь гIалгIай къам шоашта къинтIера даккха деккхар да (!) шо бусулба дале. Дала бусулба сага тIадилла параз да - дехке валар. ДIакъовла йеза оаша шоай бIеха багенаш, гIалгIашта нохчашта юкъе цIур ца бехкаш… Масса йолча ханашка а цIенадаллар чIоагIа лоархIам беш да Дала!.. ГIалгIай къам къинтIера даьккхе Дала хьалхашка маьл баккха шоашта, тIаккха Дала имане дерзадаргда шо!..

Везан Даьла, гIалгIай къаман гIо делахь, паргIатонга даккхалахь!..
Воакхан Даьла, гIалгIай къаман я вас каьдйелахь, цун баь тийшаболх хоарца а бий, цун бокъо метта оттайелахь!..
Дунен Доалахо, бехкечарна Хьай бехк баккхалахь!..
Везан Даьла, харцхой Хьай бекхамахь кхерабелахь!..
Воакхан Даьла, харцхой-цIурхой шоаш лелабу наькъа дехке бахалахь!
Я Аллахь, цар дегашка йоала бIехал аратассалахь, цар синош кхестаду Иблис ма хула гаьнна даккхалахь!..

Ер сардам бац аз царна баьккхар… Са сино кхебаь, са дего къоабал баь, дегтIара боагIа сийрда ловца ба аз маьлхе баьккхар… Къиной никъ бита, маьле накъа тIа довла шоашта яхар ловца мара лархIа йиш яц. Ишта мара кхетаде дагIац са дош иман долаш, хьаькъал долаш, кхетам болаш, эзделца къаьста воацача бусулба саго. Цу санна уйла, из мо маIана тешал деш да Малсагнаькъан Ахьмадо яьздаь назам-дош.1

«Ля Иляха илля Ллах», сийдола вежари!
«Мухаммаду расулю-Ллах», сийдола йижари!

«Ля Иляха илля Ллах», из дош дегчура даьнна
Ха вайга ма йоагIийла, сийдола вежари!

«Ля Иляха илля Ллах», из дош дегчура даьнна
Ха вайга ма йоагIийла, сийдола йижари!

Дала диц ма лолда вай, сийдола вежари!
Дала диц ма лолда вай, сийдола йижари!

Из шийла Iаьржа лаьтта гIийла вайга кхайка,
Ший керахь вай дехаш, сийдола вежари!..

Из шийла Iаьржа лаьтта гIийла вайга кхайка,
Ший керахь вай дехаш, сийдола йижари!..

Даькъал наькъа тIа дейле, сийдола вежари,
Вай къинош цIенде вай, сийдола йижари!..

Цу Дала ца йеш йиса Iамал кхоачаш йе вай,
Вай Даьле дIадерзаш латт шоана, вежари...

Цу Дала ца йеш йиса Iамал кхоачаш йе вай,
Вай Даьле дIадерзаш латт шоана, вежари...

Дала диц ма лолда вай, сийдола вежари!
Дала диц ма лолда вай, сийдола йижари!

Из шийла Iаьржа лаьтта гIийла вайга кхайка,
Ший керахь вай дехаш, сийдола вежари!

Из шийла Iаьржа лаьтта гIийла вайга кхайка,
Ший керахь вай дехаш, сийдола йижари!

Дала имане дерзалда вай, сийдола вежари!
Дала имане дерзалда вай, сийдола йижари!

Цу Дала ца йеш йиса Iамал кхоачаш йе вай,
Вай Даьле дIадерзаш латт шоана, вежари...

Дала диц ма лолда вай, сийдола вежари!
Дала диц ма лолда вай, сийдола йижари!

Из шийла Iаьржа лаьтта гIийла вайга кхайка,
Ший керахь вай дехаш, сийдола вежари!

Из шийла Iаьржа лаьтта гIийла вайга кхайка,
Ший керахь вай дехаш, сийдола йижари!

Фаьргхой Хьамзат

Тушол бетта 9-ча дийнахь 2022-ча шера яздаьд.2
Тушол бетта 10-ча дийнахь 2026-ча шера тоадаьд.
 
ТIехьара дош

1. Илли «Сийдола вежари, сийдола йижари!» Дешаш яздаьр Малсагнаькъан Ахьмад ва, мукъам бер малав шийна ховчо хьаала. Согар баркал дIаэца...
https://www.youtube.com/watch?v=OEtFHC3XV5Y
2. Тушол бутт – апрель.