Писзава зи рик1из пара,
Къене иви кик1изва.
Хвахьз(а)ва лугьуз зи ч1ал багьа,
Зи секинвал рекьизва.
Ви эвел кьил ава яргъа,
Дувулар лап дирин я.
Вун чи халкьдин язва арха,
Ви гьар са гьарф ширин я.
Вучдайдия авачиз вун,
За уьмуьрда аламай?
Гьик1 эхдайд(и)я чандин зурзун?
Чи муьгьуьббат галамай.
Несилрилай несилралди,
Хвенвай ч1ал тир бубайри.
Анжах амма чал атайла,
Ч1урна хьи чи балайри.
Авай туш чахъ гьахьтин инсан,
Дидедин ч1ал кучукдай.
Гьич татурай чун гьахьтин къал,
Ч1ал сура тваз акъуддай.
Гьамишалда хуьда за ч1ал,
Рик1е авай сандухда.
За уьмуьрлух дамахда вал,
Ви сергьятар ачухда!
Квахьзава ч1ал
© Copyright: Муслим Арсенович Идрисов, 2026
Свидетельство о публикации №126032909196
Свидетельство о публикации №126032909196
Рецензии