Къе яйлахра нехирбанар аквазмач,
Хиперин гел гьич чуьллера амазмач.
Ниси, гъери къе къачузва туьквендай,
Агь и дуьнья физава чи гъилерай.
Жегьилрикай ихтилатар авурт1а,
Куь рик1ерихъ инфарктдин т1ал галукьда.
Къаст авайдя гьар эркекдаз, дишидаз,
Айфон къачуз к1анзава къе виридаз.
Виринрай чаз къвезвай ван къе дяве я,
Вучиз има икьван алчах вяде я.
Къуй чаз куьмек авурай сад Аллагьди,
Къе чи дуьнья гьалрай са дуьз патахъди.
Файда гудай инсанар гьич амача,
Бегьем к;валах ийиз элдиз к1амача.
Кьил ч1урзава телифонри инсанрин,
Ша инсанар, чна уьмуьр хъсанрин!
Аквазва заз вилерал
© Copyright: Муслим Арсенович Идрисов, 2026
Свидетельство о публикации №126032909063
Свидетельство о публикации №126032909063
Рецензии