Назлу яр
Он
Зи назлу яр, назлу яр,
Гьикьван иер я ви т1вар,
Назлу лагьай т1вар алаз,
Жедачни бес бахтавар.
Она
Т1арунал хьайила рик1,
Зи т1вар цуькверал эциг,
Кьуна жуван къужахда
Иер я лугьуз, килиг.
Он
Цуькверилай иерди
Вун я са виш сеферди,
Вун такурла вилериз,
Заз дад гудач шекерди.
Она
Заз гъетерин арада
Зи к1аниди аквада,
Нур гайит1а гьанай заз,
Зун вахъ галаз рахада .
Он
Вун паталди рагъ хьана
Цавара зун куз жеда,
Гьанайни са тагъ хьана,
Зи назлу лугьуз жеда.
Она
Ракъинин нурар акур,
Закай к1ани яр авур,
Вакайни зи яр жеда,
Рик1ера бахтар жеда.
Селминат Курабекова
Назлу яр
© Copyright: Селминат Курабекова, 2026
Свидетельство о публикации №126032106413
Свидетельство о публикации №126032106413
Рецензии