***
Цішыня. Ціха млеюць бярозы
І на роднае мове маўчаць.
І сцякаюць салодкія слёзы,
Як спрадвечнага ўціску пячаць.
І збіраць недазволена слёзы
Тых бяроз, што на мове шумяць.
Леснікі падсякаюць бярозы,
Каб тутэйшым затым прадаваць
Лішкі слёз тых па сорак капеек.
Перад смерцю так хочацца піць!
Дажывае, з бярозамі млее,
Што дазволена нам не любіць.
19. 03. 2026 г.
Цiшыня. Цiха млеюць бярозы...
© Copyright: Юрий Боровицкий, 2026
Свидетельство о публикации №126031904167
Свидетельство о публикации №126031904167
Рецензии