Роднай мовы падмуркі
А давайце ўсе шыльды заменім!
Беларускія назвы напішам!
Назбіраем усе разам камення
І пачнем будаваць, як Францішак,
Роднай мовы падмуркі.Па слову,
Каб гучала заўсёды навокал,
Беларускае мовы аснова.
І лунала над намі, як сокал.
Каб у кожны куточак, дзе морак,
Заляцеў гэты сокале ясны,
Запаліў ліхтары нашых зорак,
Што патухлі калісьці дачасна.
Каб данёс голас роднай зямліцы
Ён да кожнага сэрца людскога
І каб мы ўсе маглі наталіцца
Словам родным, што дадзена Богам.
Мінск 04.07.2016г
Роднай мовы падмурки
© Copyright: Людмила Воронова Супрун, 2026
Свидетельство о публикации №126031802477
Свидетельство о публикации №126031802477
Рецензии