***
Апошні снег знікае ў забыццё,
Апошні снег зімы маёй бясконцай.
Вясну сустрэнуць птушкі і жыццё
І затрапечуць крыламі пад сонцам.
Апошні снег ужо сыходзіць з град,
Апошні снег сцякае ў каляіны.
А я жыццю, як першы лісцік, рад,
Як рад бяроз уздоўж дарог Айчыны.
Апошні снег пад сонцам растае,
Пяе раўчук і цінькаюць сініцы.
А мне ў жыцці засмяглым не стае
Жывой вады з бурлівае крыніцы.
Апошні снег збягае ў забыццё,
Апошні снег з душы маёй знікае.
Вясну сустрэне новае жыццё,
Яно даўно вясну сваю чакае.
12. 03. 2026 г.
Апошнi снег знiкае у забыццё...
© Copyright: Юрий Боровицкий, 2026
Свидетельство о публикации №126031204074
Свидетельство о публикации №126031204074
Рецензии