Устад
Эдгар Рамазановаз.
Дагъдин хуьре ч1ехи жезвай
Гадад рик1е мурад авай.
Лезги халкьдин мани авай,
Лирли авай баяд авай,
Саид авай,Саяд авай.
Ваз бубади гана ч1агъан,
Акъатна ви мурад кьилиз,
Ядигардив къаст рик1еваз,
Агатна вун милиз -милиз,
Камар къачуз куьлуьз -куьлуьз.
Ч1агъан атай ч1авуз гъилел,
Хурам хьана,вун шад хьана .
Алакьунри гана ви хел,
Вун манидин дин устад хьана.
Мецел даим баяд хьана.
Вишен са пай хьанва ви яш ,
Мярекаяр шад авур кас.
Давамара,жемир яваш.
Мурк1арикай яд авур кас,
Хъуьт1ерикай гад авур кас
Устад
© Copyright: Сейфудин Шахпазов, 2026
Свидетельство о публикации №126031201902
Свидетельство о публикации №126031201902
Рецензии