Сегьер-сегьер камар вегьиз атай жаван - яр я им,
Алук1завай т1ебиатдал къацу яргъан - яр я им,
Милиз-милиз хъуьрерзавай гуьзел жейран - яр я им,
Нурлу ийиз дагъни-дере чи эрзиман яр я им.
Суварилай яд авахьиз - гатфарин лишан я им,
Къужахда кьаз гъвеч1и-ч1ехи - гуьзел са мугьман я им,
Шагьвардив хур ачухзавай лап дава-дарман я им,
Сегьер-сегьер камар вегьиз атай жаван - яр я им,
Пак руьгьери куьк1уьрзавай шафакъат ялав я им,
Ц1ийи умуьр туьк1уьрзавай аманат ялав я им,
Гуьзелвилив ац1урзавай аламат ялав я им,
Милиз-милиз хъуьрерзавай гуьзел жейран - яр я им.
Хийир бегьер хунчадавай мидаим сувар я им,
Ц1ийи сусаз ухшар авай милайим сувар я им,
Гъвергъверикай к1унч1ар ийиз лап къадим сувар я им,
Нурлу ийиз дагъни дере чи эрзиман яр я им.
Яр я им
© Copyright: Магомед Мирзоев Мирзой, 2026
Свидетельство о публикации №126031003032
Свидетельство о публикации №126031003032
Рецензии