Вса дурэдыр мануша джян Дэвлэстэр,
Грэхо дро свэто кя сыго бутёл.
Бут бэрш о-Баро ровэл манушэстэр,
На каминдой ди джидо тэ-хасёл.
Сыр лулуди лэнае би панескро
Вса трушалёл тэло кхам кя баро,
Дя тэ мануш дай джии би Дэвлэскро,
Кай сы джипэн, чачипэн, дроморо.
Свэнто Исусо авно болыбнастэр,
Пир дром пхаро пал амэндэ гэя,
Лэскрэ маса карфимэ ко трушыл сыс,
Сыр Бакроро, штыл Ёв мэньки хая.
Ко до трушыл ракхалын сы илэскэ,
Три дош морэла о свэнто до рат.
Лэла о-Баро тут Пэскрэ чавэскэ,
Тукэ сыкавла дром ко болыбна.
Вса дурэдыр
© Copyright: Даниил Бахтало, 2026
Свидетельство о публикации №126030908187
Свидетельство о публикации №126030908187
Рецензии