Гатфарин вун са гуьзел цуьк,
Цаварал алай я экуь гъед
Чуьнгуьрдин вун я ширин сес,
Я лезги руш, лезги рушар.
Серин юкъуз ракъин Нур жез,
Кудай юкъуз къайи булах.
Пашман юкъуз руьгьдин сабур,
Я лезги руш, лезги рушар.
Бала я вун багъри, ферли
Вун диде я, велед кlани
Хзанда свас я вун эркли.
Я лезги руш, лезги рушар.
Халис викlегь я пешекар,
Духтур , алим ва манидар.
Сагьиб я вун Иер кьуьлуьн.
Я лезги руш, лезги рушар.
Я лезги руш, лезги рушар
© Copyright: Беневша Тайгунова, 2026
Свидетельство о публикации №126030907802
Свидетельство о публикации №126030907802
Рецензии
