Ахъа авурла ви бахчадин варар,
Къугъваз хьана зав гьуьлуьн чими шагьвар.
Къачун куьлуьз за ви гуьруьшдиз камар,
Вал кьил чlугваз атанва,чlалан устlар !
Ви виликай къекъвезва гьар жуьре эл,
Алахънава жагъуриз вун фейи гел,
Ви пак тlвар ала мецел гьар са кимел,
Ви эсерик квазава уьмуьрдин кьел.
Дегиш хьанва къе уьмуьрдин инсанар,
Къвез физава вахтар,чlавар,уьмуьрар.
Чи арада ава мензил виш йисар,
Амма накь хьиз рахазма ви шиирар.
А.С.Ф.
Секина. Сулейман буба
© Copyright: Магомед Мирзоев Мирзой, 2026
Свидетельство о публикации №126030609318
Свидетельство о публикации №126030609318
Рецензии