Уарта кизга, арбайгъоса,
Хуаздар бантта ма уодзай,
Ма нихъхъел кана да гъоста,
Расугъд дзурдта фегъосгай.
Зарда алкад раст на хонуй,
Андар над загъуй на сар,
Еунаг устур Хуцау зонуй,
Ций махан хуаздар...
Нур загъдзана а ма нива,
Уарзти ада ладарис,
Еу дауан фалман гъар хиза,
Инна ба кануй гириз.
Ламбунаг гъауй касун,
Еунаг къахдзаф, ма радуд
Уой фасте зинай бухсун,
Маст исодзай адгин муд.
Ма бауарза магоса,
Йе лаудзай тегътабал,
Хурфа соддзай пуруса,
Хор аййевдзай мехтабал,
Ма бауарза гурумухъ,
Издий къартт, уазал
Набал исканадзана сухъхъ,
Цард уодзай уаззау,
Уаздан цауй йе даума,
Уодда зардзанца еума
Фур цинай кана кауга,
Йе да 'рбалвасдзай реума.
Еунаг къахдзаф ма радуд
© Copyright: Лилия Цопанова, 2026
Свидетельство о публикации №126022805042
Свидетельство о публикации №126022805042
Рецензии