***
Жашадым, санга къууана,
Къалай багъалыса манга!
Алай татлыса жаныма,
Балхам болайым мен санга!
Къыйын кюнюнгде келирме,
Не жумушуму да къоюп.
Мен, сагъыш этмей, жетерме,
Битеу тыйгъычланы оюп.
Тийсенг да бирде жаныма,
Кючюмю аямам санга.
Тюшсе да палах башыма,
Жюк болмам сени жанынга.
«Угъай», – деп айталмам санга,
Не жумуш тилесенг да сен.
Тенглик этерме жанынгда,
Жаланда жашап тур эсен.
Къууанчынгы кёрсем – насып,
Кёзлеринг жарып турсунла.
Бирде сен тургъанда жарсып,
Палахла сени къойсунла.
Мен жанымы сени ючюн
Берирге хазырма, сёзсюз.
Ма ол къарындашлыкъ кючюн
Тас этмейик сансыз, кёлсюз.
Жашырмам сенден тасхамы,
Санга ышаныуум уллу.
Къыйнама мени жанымы,
Сюйдюм, болдум сени къулунг.
Сатхыч тенглеринг сатарла,
Бюгюн тенгди, тамбла уа – кенг.
Къыйын кюнде терк атарла,
Болур иги, аны билсенг…
Байтуугъанланы Исмаил
Жашадым, санга къууана
© Copyright: Исмаил Бейтуганов, 2026
Свидетельство о публикации №126022309587
Свидетельство о публикации №126022309587
Рецензии