ГЮНЯХЛЫ ЖАНЫМ
Сагъышларым ахыр кюнню юсюнден
Кетмейдиле кече-кюн да эсимден.
Жарсыйма гюняхлы жаннга кёлюмден,
Ненча ачыдым ахшылыкъ кёргенден.
Сыйрат кёпюрден ким ётер тазалай?
Аллай адам бармыды дунияда?
Къайгъыларым, ачый тургъан жаралай,
Жангыздыла кеслери бу аламда.
Жоругъуна сыйыныргъа Аллахны,
Кюрешеме, болалгъанымча жерде.
Хорлап барама мен жюз минг палахны,
Излемейин ариу шинтик тёрледе.
Оразаны тутуп, табынып келдим,
Намаз къылып, игилик этип турдум.
«Гюняхларым да болурла, хау», – дедим,
Тоба этдим, Аллах кечерик сундум.
Байтуугъанланы Исмаил
Гюняхлы жаным
© Copyright: Исмаил Бейтуганов, 2026
Свидетельство о публикации №126022309582
Свидетельство о публикации №126022309582
Рецензии