НАЛЬЧИК
Кюнюнг – таза, кеченг – айбатлы,
Жайынг – жашил, къышынг а – къарлы.
Ариу шахар, Нальчигим мени,
Жарытаса мудах кечеми.
Ариу хауанг, таза сууларынг,
Къонакъбайлы да адамларынг.
Тауда – эримеген къарларынг,
Нальчик – мени сюйген шахарым.
Атлыла айланнган орамла,
Жомакъда айтылгъан оюмла.
Жашил нарат терекли жолла,
Тёгерегингде – эски къолла.
Болсун орамынгда тойларынг,
Мамырлыкъда жашай халкъларынг,
Союла къууанчха къойларынг,
Узакъгъа жырлана жырларынг!
Байтуугъанланы Исмаил
Нальчик
© Copyright: Исмаил Бейтуганов, 2026
Свидетельство о публикации №126022309571
Свидетельство о публикации №126022309571
Рецензии