СИЗНИ ЮЧЮН ЁХТЕМ БОЛАМА
Россейни къорууларгъа,
Фашистден ариуларгъа,
Кетдигиз, къоюп юйде
Къалгъанны мудах кюйде.
Жарсыгъан, тилек этген
(Аллахха болсун жетген!),
Ёхтемлик алгъан да бар.
Дуния не кенгди… тар!
Назмума кирген жашла –
Къарындаш, тюйюл башха.
Къыралны аскер кючю
Сермеше тынчлыкъ ючюн.
Мамырлыкъды изленнген,
Душманла чарсха ийген.
Чыгъарып аны кюннге,
Лакъырда эте, кюле,
Хорламлы болуп, алай,
Къууанчлы, жарыкъ къарай,
Сиз къайтырсыз деп артха,
Ийнанама ол затха.
Болушлукъ – аш-суу, кийим…
Хар бир жан жылыу ийди,
Ийнаныу къошуп анга,
Сермешген солдатлагъа.
Сабийле уа – суратла,
Къууанырча атала,
Кётюрюрча кёллерин,
Жарыта жюреклерин.
Байтуугъанланы Исмаил
Сизни ючюн ёхтем болама
© Copyright: Исмаил Бейтуганов, 2026
Свидетельство о публикации №126022309556
Свидетельство о публикации №126022309556
Рецензии