ЖУРТУМА АЛГЪЫШ
Алгъыш этеме Россейге,
Чексиз насып жюрегимде.
Болуп тур сен ёмюрлеге,
Алай жашайса кёлюмде.
Жауу узакъ болсун андан –
Къыралымы байрагъындан,
Ол этмесин чабыуулла,
Ийнанмасын къарыууна.
Журтум – жигитлени жери,
Кёп кереде этди кери
Бери уруш бла келгенни,
Бизни жаныйма дегенни.
Суула таркъаймай барсынла,
Тенгиз, долай да турсунла.
Бери келген сукъланнганлай,
Къонакъ, шуёх да болгъанлай.
Минги тауну ариулугъу,
Алтай жерни асыулугъу –
Была Россей жомакълары,
Табийгъатны омакълары!
Владивосток тийресине,
Камчатканы да кесине
Ырахатлыкъ, монглукъ, саулукъ!
Болсун ма бу алгъыш – толлукъ!
Байтуугъанланы Исмаил
Журтума алгъыш
© Copyright: Исмаил Бейтуганов, 2026
Свидетельство о публикации №126022309550
Свидетельство о публикации №126022309550
Рецензии