Дидед чlалан къаз талукьарнавай са гъезел хьтинди...
Гатфарин шагьвар акьаз, хьанва яру хъвехъ ви, гуьзел,
Са темен кlанда акъудрай хъуъхъвевай мекъ ви, гуьзел.
Вуч ийервал я има, рагъ алукьай гуьзгуьди хьиз,
Кьуд пата хьел я ишигъдин, цикlириз экв ви, гуьзел.
Лацу туьд, яргъи кlвачер, юкь акализ жез рапуник,
Саф, лацу сас я, седеф хьиз ацlана рекьв ви, гуьзел.
Дуьньядин затlни герек туш - вун акур гьарма сада,
Лугьуда лали - жавагьир я бахиш тек ви, гуьзел.
Вун акур вуж рази жеч Межнуна хьиз чуьллер атlуз?
Гьат тавуй гьич дарада Лейлиди хьиз, рехъ ви, гуьзел.
Вуч я и фурс, дамах - гьич я тlавус къуш ви патав,
Акуна, шаксуз акъвазда, цававай лекьни, гуьзел.
22.02.2026
Гъезел
© Copyright: Намик Фарзалиев, 2026
Свидетельство о публикации №126022302054
Свидетельство о публикации №126022302054
Рецензии