Зул атанва зи уьмуьрдин тамариз,
Рехи чlарар кьери жезва авахьиз.
Тан залан я татаб жезвай камариз,
Амма рикlин ц1ай амазма жаван хьиз.
Аял чlавуз минетдай за: "йигин вач", -
Лугьуз уьмуьр вилик гьалдай сятриз.
Са тlимилни явашардай вичин кlвач,
Зав хъел кутаз ашкъи жедай баятриз.
Йисарикай югъ хьанава, тадиз физ,
Гила абур акъвазнава зи чина.
Сятарни тlветl ктканвай ябу хьиз
Элкъвезава йигин...къулухъ, тарсина.
07 02.2026
***
© Copyright: Намик Фарзалиев, 2026
Свидетельство о публикации №126022302040
Свидетельство о публикации №126022302040
Рецензии