***

Ина чахъ са гъвечlи групповой чат ава, къе экуьнлай садайни са ван акъат тийиз акуна кхьейди я, "нецензурны" гафарилай гъил къачун тlалабда...)

Вуж ксанва, вуж я уях?)
Йиф хъфена, къарагъна рагъ.
Я лезгияр, хьайи куьн сагъ,
Кусуникай тух хьаначни?

Куьруь хьанва къан вахт - экуь,
Амукьдайд я кlвалахар куь.
Вагь куьн чlехи гъуцари хуьй,
Са кlус викlегь гьухь - хьаначни?

Пара уьмуьр ганавач чаз,
Зур пай физва ахвараваз.
Кlвачер тахьуй къванер акьаз,
Хьайтlа - крар пухъ хьаначни?!

Чи дидеяр дурбаш хьана,
Хвахара фу - лаваш хьана.
Къулал шурпlани аш хьана,
Цлар ацlай рух хьаначни?!

Фад къарагъа, бесра ксун,
Буш хьанава гъуьр авай тун.
Къуншидикай чешне къачун
Тийиданбур лухъ хьаначни?!

Гила гьар са легьзе къизил,
Рикl жегьил я, тан я кьуьзуь,
И дуьньяда вуч я кьезил -
Хупlни суха - сух хьаначни!

Буш дуьнья я, куь яб захъ хьуй,
Бубадикай адан вак хьуй.
Гъиле эрекь, вилик як хьуй,
Жибинра дунлух амачни?

Кишдин югъ я къе, выходной
Объявитан жуван родной.
Урусри лугьуда: не ной!
Лугьудай "сагълугъ" амачни?

Низ амукьна фана дуьнья?
Амукьдайди чаз тlуьн - хъун я.
И гъурбатда захъ са куьн я,
Квез бес зи язух хьаначни?
04.10.2025 г.