Гъезел

Мукьвал - мукьвал вун такурла, я руш, зи рикl сефил жеда,
Мус акъатна мад сеферда ваз чи патаз мензил жеда?

На зи сабур синемишмир, вал атайла авач захъ ам,
Гьар жуьредин фикирар къвез гьатда рикlе, зи кьил неда.

Хъеце патан мекьивили итимдин гьакl тан тlакьурда,
Кlанивилин къаярикай чан цlрада, гевил шеда.

Жемир вун гьич кьве хиялдин, зун икьрардал кlевиди я,
Ашкъид рекье ви гъил кlеви кьадайди мад зи гъил жеда.

Вун паталди за чlугвазвай азиятар акуртlа ваз,
Белки мирвет атана ви рикlиз, вун зав хъуьтуьл жеда.

Декlена яр лугьун на заз, мани лугьуз кьуьлерда за,
Ахлатдач, зун югъди - йифди ви гуьрцелдив билбил жеда.

Кlанивал хуьз кьве кас кlанда, гьакl хьайитlа бегьер гуда,
Тек са патай яд хъвазавай гьиссерин ттар кьецlил жеда.

Тlебиатдин кар текбурун ваъ, жуьтерин винеллайд я,
Вунани зун хкягъайтlа - адан кlвалах кьезил жеда.

Сад диде я, садни Ватан, садни ашкъи - муьгьуьббат я,
Икрам ийиз хьайи гьар сад акьул галаз агьил жеда.

Садни дидед чlал ава чахъ, хуьн герек я несилриз ам,
Гьакl тахьайтlа, амукьдайди чаз родной... ана дил... жеда.
28.09 2025 г.