У дзяцінстве матуля мяне калыхала,
І пяшчотная песня лілася ў сне.
Казку з маміных вуснаў сабе ўяўляла,
Беларуская мова натхняла мяне.
Меладычныя гукі, адкуль вы, скажыце,
Хто складаў вас у словы, хто іх нам дарыў?
Можа вецер ласкаў вамі спелае жыта?
Вамі дожджык па даху струменькамі ліў?
Можа сонца ўзімку снягі растапляла,
І ручай у вясны тыя гукі здабыў?
Можа птушка з мелодыяй той сябравала,
А прыгожыя словы нам лес данасіў?
Не знікай з нашых вуснаў, радзімае слова!
Нікуды не ляці, а жыві тут, у нас.
Хай праходзяць вякі, дзеці слухаць гатовы
Калыханку матулі ў чароўны свой час.
21 лютага – Міжнародны дзень роднай мовы.
21.02.26
Матулiна мова. верш на беларускай мове
© Copyright: Татьяна Домаренок, 2026
Свидетельство о публикации №126022108275
Свидетельство о публикации №126022108275
Рецензии