Мандэ камлады сы чаёри —
Лулуди кэ унтыца мири.
Окэ ту чордян ило миро,
О джибэ нанэ, дыкх, би тэро.
Мэ тэрэ шукатэр матэём,
Бахтало исом кай тут латхьём.
Тасярлэ кэ унтыца авав,
Ружыца лолы тукэ чинав.
Сыр да ружа ту уса дудёс,
Дро ило миро вса лулудёс.
Мэ джином, авэса ту мири,
Сыр куч бар шукар сан, лачори.
Мэнгэ вса пхэнэн ратя калэ,
Кай амэ аваса бахталэ!
Жакирэл ангил о дром баро,
Тэ-ракхэл о-Баро Дэвлоро!
Ружыца
© Copyright: Даниил Бахтало, 2026
Свидетельство о публикации №126021708538
Свидетельство о публикации №126021708538
Рецензии