О фэлды ё бэрги —
Штыл о ив саро чордя,
Екхатэр чучо кэрдия.
***
Болыбнастэр чидёл дуд чонытко.
Гарадия дрэ храмытко учалын
Э багула корьякирды.
***
Э рат састэ чонытко!
Тэ акэ чирикля на пхандэ
Удара пэскрэ кхуденгирэ.
***
Токи лэнгрэ годля шундён…
Парнэ крунджа бидытён
Явинякро ко ив яло.
***
Бришынд навальницытко.
Ґайня звирбытко
Чарьендэр рикирдён.
***
Чиндём э товэрэса тэ штылэём…
Савэ лачэ кханяса дэла
Дро ивантытко вэш!
***
Э рат лэнаитко сы надлэнго.
Лэнэ тэ-хачон про кирмэстэ патриненгро
Чолыня явинякрэ дросинытка.
***
По дром дыкхьём бичадэс.
Вэснытко балвал, кхэлы,
Псирэ лылэса раушэл.
***
Ґалёв, дро гэмэ джиибэн
Ту санэс э мири пхэн,
Тугвало кукэ.
***
Дромэса на джян дро коша,
Вастандэн екх екхэс, сыр пшала,
Тэ-лодэн, чириклалэ!
Японытка стихицы
© Copyright: Даниил Бахтало, 2026
Свидетельство о публикации №126021005910
Свидетельство о публикации №126021005910
Рецензии