Пэрэл раты о ив баро,
Рэх парнэя пашэ саро,
О жуто чон якха пхандэл,
Пэ хмарыца ковлы совэл.
О вэш тэрдо калэс-кало,
Трэнсол куты - сы шылало.
О Папу Мразо, дыкх, авэл,
Опрэ э шыл-вастэса дэл.
Прэ лэстэ идя сы парны:
О тыраха, тхалик, стады,
Э брода сыр пагитко сы,
Дро васт мусэр шудро паны.
О Мразо учэдыр ґаздёл,
Ко егли, брэзы ёв блихтёл.
Прэ пхув пасён вса ивуня,
Сыр джинтара хачон коля.
Папу Мразо
© Copyright: Даниил Бахтало, 2026
Свидетельство о публикации №126020502931
Свидетельство о публикации №126020502931
Рецензии