Арво Сурво
Пал амарэ дадэстэ санэс,
Даё, дэмэ дро тэрныпэн.
Амэ - чавэ пхэненца самас,
О лулудя дро тро джипэн!
Дрэ тутэ екх лачо пхэнэса,
Хай сыс киркэ тырэ бэрша,
Кай лыджинэ тумэ дадэса
Пэнгрэ чавэн дро мануша.
Амэ сарэ паш тутэ самас,
Коли ромэс ту нашадян.
Ту зоралы илэса санэс -
якха штылэс сыр ври-рундян...
Кана внукэн барьякирэса,
Сарэн ту, мамо, тангинэс.
Изнов ратенца на совэса -
Нэ соскэ тут вса на ракхэс?
Кай тэ-дживас шукар амэнгэ,
Ту на ракхэса састыпэн,
Сарэ чавэнгэ э внукэнгэ
Илэстыр дэса татыпэн!
Амари дай
© Copyright: Даниил Бахтало, 2026
Свидетельство о публикации №126020404311
Свидетельство о публикации №126020404311
Рецензии