Аври ивуня коляндытка
дро фано лошаса крэнсон,
коля — ягорья чэргэнитка —
к’ авлын парингаса пасён.
Авнэ сы рома э таргостэр,
э зэлэно егля андлэ,
чаврэ радысон сарэ дёстэр,
ухтэн пири штуба ёнэ.
«Нэ доси тумэнгэ, чавралэ», —
сабнаса пхэнэл дадоро,
«Авэн э дрэ чэка, чаялэ,
тховэн про скаминд хабноро!»
Кхувэн чаёрья екх екхакэ
о пхарты лолэ дро чурья.
«Авас амэ, дадо, канакэ!», —
прастан кандэмэ о чая.
Бэштэ сы чавэ дрэ исэма,
саи тэ кэри пхэраса,
Колянда ёнэ жакирэна,
анэл кай бут рада уса.
Дро кхэр сы тато э бовэстэр,
пал фэнчтра о ив дэл баро,
мангэн ё рома э Дэвлэстэр,
о свэнко т’авэл бахтало!
Аври ивуня коляндытка
© Copyright: Даниил Бахтало, 2026
Свидетельство о публикации №126020402708
Свидетельство о публикации №126020402708
Рецензии