Бахталы рат, хачон чэргэнорья

Бахталы рат, хачон чэргэнорья,
бэштэ ракхарья паш яг кэ чарды.
Э болыбнастэр дэвэло авья,
э ракхарьенгэ яны лачи джины.

Ёнэ гэнэ кэ шталыца екхатэр,
дой дрэ коя латхнэ э биятос,
о кам баро марэлас Мариятэр,
кай ёй тыкнэ патькирлас Исусос.

Да ґалэя о Иродо-тагари,
лэскро ило э дар бари лэя,
бэрша палэ Исайя о-англари
дро тагарискро бияндыпэн пхэндя.

О Иродо мануш сыс пхутькирдо,
тэ ачавэл ё троно на камья,
барэ холяса сыс кова пхэрдо,
тэ дэл мэр Исусос дро шэро лэя.

Э джинарьен о Иродо кхардя:
«Джян сыгэдыр тэ латхэн биятос!
Лэскэ камам тэ тэлёвав», — пхэндя,
нэ фрэнто сыс да Иродоскри глос.

Ёнэ джян уклисто прэ камэлэндэ,
чэргэнори дром сыкавэл чачо,
кола э биятос латхнэ дрэ ясла,
барэ радаса радысалэя ило.

Лэнгэ пхэндя о-Баро дро сунэ:
«На джян палэ ко Иродо тумэ!»
Гэнэ пир дром авир ёнэ кхэрэ,
о Иродо ґалэя: лэс хохадэ.

Кова дриван холясэя далэстэр,
тэ дэн мэр биятэн-муршэн пхэндя,
сыс роибэн шундло Вифлеемостэр,
ровэнас зоралэс бибахталэ дая.
 
О дэвэло Дэвлэскиро авья
раты ко Йосифо тэ дя пхэны:
«Ушты, лэ биятос, э Лэскрэ да,
нашэн кай сы Египто сыгэдыр!»

На кэрдия пир планы Иродоскрэ,
э курталатэр Свэнто ракхимэ,
дживдя пэ пхув триянда трин о бэрш,
сыклякири, вастандэи сарэн.