Дэвла миро, мэ би Тыро дживдём дро свэто,
Сыр хасибнытко, мэ пхирдём пиро дрома,
О кхам Тыро опрал саекх ман татькирэлас,
Пхувьятэр шукардэ барьёнас лулудя.
Фуе ромэнца пало екх скаминд бэшавас,
Сандём паш Тутэ, муртвалы лэнца пиём,
Нэ Ту саекх, Дэвлалэ, ман кэ Ту кхарэсас,
Э лачипнаса чилаи миро ило.
Екхвар ґалыём сарэ илэса:
Джял окэ мро джипэн ивья!
Тэли явьём кэ Ту грэхэнца,
Прэ мандэ Ту патыв чудян!
О-Баро Дэвла, сан мири рада,
О-Баро Дэвла, сан мири судьба,
Мэ ангил Тутэ по чанга кана пэрав,
О Свэнто лав Тыро илэса славинав!
Мангав тумэн, рисён ко Дэвлоро, ромалэ,
Э ракхалын дошэндэр дрэ Лэстэ исы.
Дэвэл амэн ко Пэскро дроморо кхарэла,
Т’авас мэ дрэ тагарьялын, кай всатуны!
Кэли сы пхаро - дэс о васт Тыро,
Ту камэс, уса тэ-збердынав.
Да гилы багав, дрэ коя пхэнав,
Сыр мэ Тут, Дэвэл миро, камав!
На мелодию New Gypsies “On n'est rien”
Дэвла миро
© Copyright: Даниил Бахтало, 2026
Свидетельство о публикации №126020402310
Свидетельство о публикации №126020402310
Рецензии