И дуьньядал заз авайди,
Тек са вун я чан диде.
Виридаллай заз багьади,
Тек са вун я азиз диде.
Четинвилер акуна ваз,
Зи играми азиз диде.
Регьятвилер акур туш ваз,
Зи масан тир, зи чан диде.
Чим гузвай са рагъ я вун,
Экв кузвай чирагъ я вун.
Бегьер гудай са багъ я вун,
Зи масан тир,зи рик1 диде.
Ви вилерал тахьурай нагъв,
Гьич садрани азиз диде.
Ви рик1е хьуй чими ялав,
Гьамишанда азиз диде.
Ваз Аллагьди сагъвал гурай,
Ваз Аллагьди къуват гурай.
Ваз Аллагьди чан-рик1 гурай,
Зи масан тир,зи чан диде.
Мурад Тагирбеков
18.01.2026 йис
Диде
© Copyright: Мурад Тагирбеков 2, 2026
Свидетельство о публикации №126020300605
Свидетельство о публикации №126020300605
Рецензии