Караванари

О каравано кэ уштын дромэса джял,
Дуратунэ ригэндэр вари-со лыджял.
Круял о прахи, панори пашэ нанэ,
Джян акадякэ ё эфтуня, чона барэ.
Дромэскиро агор нанэ дыкхно,
Караванари сы дриван кхино,
Пхандэи якха, дыкхэл лачо суно:

Кхэрэ мэ акэ сыго рисёвава,
Дро шылало паны дой мордёвава.
Дотэ ман жарикэл камлы ири —
Кэ ёй сыгнёл мро пашджидо о ди!
Тэ кэдэ, Дэвлалэ, кхэрэ авава,
Э камладя тэ чаворэн мэ чамудава,
Кучатунэ малэн ко скаминд кхарава,
Лолэ моляса лэн мэ матькирава!

О каравано пиро прахи джял англэ,
Камэлы хачадэ кхамэстэр сы кхинэ,
Дэвэс, э рат, сыр калэ учалыня,
Гирбитка рапинэн о дживдлиня.
Караванари хай рэх мэнчисои,
Кхино шэро ко колын бандякири,
Сунынэл дрэ пэскирэ ирьятэ:

Кхэрэ мэ акэ сыго рисёвава,
Дро шылало паны дой мордёвава.
Дотэ ман жарикэл камлы ири —
Кэ ёй сыгнёл мро пашджидо о ди!
Тэ кэдэ, Дэвлалэ, кхэрэ авава,
Э камладя тэ чаворэн мэ чамудава,
Кучатунэ малэн ко скаминд кхарава,
Лолэ моляса лэн мэ матькирава!

Петросов Леон «Караванщик», перевод на цыганский