Парно ивант кэ пхув авья,
О балваля шудрэс пхурдэн,
Дро кхэр гавитко ё рома
Колянда окэ свэнкинэн.
Чая э штуба шукарэн,
Ягэнца фэнчтрицы блихтён,
Ромня дро бов кашта чудэн,
О парамэ тэ пэкадён.
Дэл глос пиано, башадя,
Габан хороса чаворэ,
Лэн жакирэн по-бахтиня,
Кай сы тэл еглица паштэ.
Ададывэс дэл криг холы,
Ґаратунэ коша дурьён,
Дрэ атмосфера бахталы
Рома илэнца кхэтанён.
Коляндытко бевель
© Copyright: Даниил Бахтало, 2026
Свидетельство о публикации №126020205186
Свидетельство о публикации №126020205186
Рецензии