Рипирав, мри чаёри,
о дуд трэ балэнгро ковло,
мэ тут ачадём, камлады,
далэстэр на сом бахтало.
Рипирав осенякрэ ратя,
брэзы кай штыл раушэнас,
надлэнга исыс дэвэса,
нэ чон ґарэдыр яга дэлас.
Екхвар ту мангэ пхэндян:
джяна мамуй бэршорэ,
дрэ мандэ акэ бистрэса,
латхэса вавря ту, морэ.
Э вэсныца окэ авья,
мангэ апалэ пхэны,
кай тукэ мэ лулудя
анавас, чае, раты.
Дживав акана вавряса,
ласа о кам улавав,
нэ саекх, мро кам, тугаса
мэ тут уса рипирав.
С. Есенин «Я помню, любимая, помню…», перевод на цыганский
Рипирибна
© Copyright: Даниил Бахтало, 2026
Свидетельство о публикации №126020205107
Свидетельство о публикации №126020205107
Рецензии