Пэ гаса сы штылыпэ,
Хачон чэргэня опрэй,
Паш фэнчтрица жакирэл фэни дай.
Ёй дро калыпэ дыкхэл,
Удар тукэ пхиравэл,
Уса жакирэла екх фэни дай.
Э даса амэ дживдям,
По паш саро уладям,
Багалас гиля мангэ фэни дай.
Кэли мангэ сыс пхаро,
Ровэлас мро илоро,
Годы дэлас мангэ екх фэни дай.
Ту джяса до дром баро,
О кхэр ачаи тэро,
Дыкхэла палал тукэ фэни дай.
Кай бида пэ тутэ авэл,
О васт даёри пэскро дэл,
Кхосэла ясвэндэр якха фэни дай.
Мэ сомас тыкно чаворо,
Ґаздэлас ёй глос ко Дэвло:
Ракх, Баро, мрэ чаворэс, — дай мангэлас,
Пир дром бахтало ёв тэ джял,
Тэро лав уса тэ патял, —
Ангил Дэвлэстэ чангиндой дай ровэлас.
Перевод на цыганский «На улице тишина, по небу плывёт луна»
Фэни дай
© Copyright: Даниил Бахтало, 2026
Свидетельство о публикации №126020205046
Свидетельство о публикации №126020205046
Рецензии